上一份工，有人托上托問我其中一位下屬嘅工作表現，我反問對方：「關你咩事？」
對方解釋：「係XXX嗰間公司托我問㗎！你下屬去見工，個老細知我識你。」
雖然個下屬已經一早同我講搵緊工，但實際上係未辭職，好在我哋關係好啫，否則點收科？
後來呢位下屬有兩個offer，除咗XXX公司之外仲有另一間，佢覺得package差唔多走嚟問意見，我直接同佢講咗件事，然後話XXX公司簡直係垃圾，未經candidate同意走去問現任僱主，係極之唔尊重嘅行為，做法亦相當業餘，最後我下屬揀咗另一間，仲一直做到而家。
https://hkofficedaily.com/?p=18508